Vit sóknast eftir einum kranaførara við kranacertifikat E og stóra koyrikortinum. Hevur tú áhuga í starvinum, men vantar kranacertifikat, kann felagið veita tær neyðugu skeiðini.
J&K Petersen hevur nógvar og spennandi verkætlanir, og eru arbeiðsuppgávurnar tí nógvar og fjølbroyttar.
Arbeiðsuppgávurnar eru at koyra krana og gera fyrifallandi arbeiði í hesum sambandi. Harumframt skalt tú tryggja viðlíkahald, eftirlit og reinhald av krananum fyri at tryggja, at kranin altíð er í góðum og lógligum standi.
Vit vænta at tú hevur:
– Stóra koyrikortið
– Galdandi kranacertifikat E
Felagið kann eisini veita tær neyðugu skeiðini til kranacertifikat.
Vit vænta eisini, at tú:
– hevur góð samstarvsevnir og kanst arbeiða sjálvstøðugt.
– hevur gott handalag og er álítandi.
– ert røsk/raskur, nærløgd/nærlagdur og røkin.
Løn sambært avtalu. Talan er um tímalønt starv.
Umsókn
Umsókn við prógvum skal sendast við telduposti á: starv@jkp.fo
Umsóknarfreistin er mánadagin 26. mai 2023, samtalur verða hildnar leypandi, og starvið sett skjótast gjørligt.
Um spurningar eru í samband við starvið, ert tú vælkomin at tosa við Sigtór A. Petersen, stjóra, á telefon 585009 ella skriva til sap@jkp.fo
Um J&K Petersen
J&K Petersen Contractors er entreprenørfyritøka, stovnað í 1975. Felagið er millum elstu entreprenørfyritøkur í landinum og fæst við jørð- og betongarbeiði umframt bygnings-, tunnla- og havnaarbeiði. Umleið 170 fólk starvast hjá J&K Petersen, sum somuleiðis hevur nógvar og góðar royndir við verklagsarbeiðum í øllum landinum. Eisini hevur fyritøkan J&K Betong um hendi.
FØROYSK BYGGING – FAKLIGUR STOLTLEIKI
