MASKINFØRARI TIL J&K PETERSEN

Vit leita eftir maskinførara til okkara verkætlanir kring landið. Starvið fevnir um koyring av entreprenørmaskinum á ymsum verklagsarbeiðum. Talan er um alt frá 5,5 tons maskinum og uppeftir.

Maskinførarin tekur sær eisini av vanliga og dagliga viðlíkahaldinum av maskinuna.

Førleikakrøv   

Vit vænta at tú ert:

– røkin og álítandi,

– arbeiðsom/-samur,

– og hevur góð samstarvsevni.

Tað er ein fyrimunur, um tú hevur royndir sum maskinførari.

J&K Petersen setir trygdina fyri arbeiðsfólki í hásæti. Tí skal tú hava neyðugan hugburð um trygd.

Vit kunnu bjóða tær

– Eitt starv við breiðum fakligum avbjóðingum.

– Møguleikar fyri fakligari menning.

– Løn, ið samsvarar við útbúgving og royndir.

Tann, ið settur verður, skal hava koyrikort.

Umsókn

Umsóknir við prógvum, CV. o.ø. skulu sendast við telduposti á: starv@jkp.fo

Umsóknarfreistin er fríggjadagin 23. juni 2023. Starvið verður sett 1. september, ella eftir nærri avtalu.

Um spurningar eru í samband við starvið, ert tú vælkomin at tosa við Sigtór A. Petersen, stjóra, á telefon 585009.

Um J&K Petersen

J&K Petersen Contractors er entreprenørfyritøka, stovnað í 1975. Felagið er millum elstu entreprenørfyritøkur í landinum og fæst við jørð- og betongarbeiði umframt bygnings-, tunnla- og havnaarbeiði. Umleið 150 fólk starvast hjá J&K Petersen, sum somuleiðis hevur nógvar og góðar royndir við verklagsarbeiðum í øllum landinum. Eisini hevur fyritøkan J&K Betong um hendi.

FØROYSK BYGGING – FAKLIGUR STOLTLEIKI

Aðrar tilvísingar