Koplingarstøðin í Húsahaga er veruliga við at taka skap. Hon fer at styrkja um streymveitingina til Havnina, og fer støðin at taka ímóti streymi frá vindmyllunum á staðnum, og leiða streym inn á 60 kV netið hjá SEV.
Koplingarstøðin verður lagað eftir landslagnum.Umframt tann tøkniliga leiklutin hjá støðini, verða eisini bygd undirvísingar- og sýningarhøli, haðani tað verður møguligt at eygleiða vindmyllurnar og streymframleiðsluna.
